“Цагаан сар”-ын баярыг угтан Дархан-Уул аймгийн худалдаа үйлчилгээний бөөний төв, хүнсний захуудад урьдчилан сэргийлэх хяналт шалгалт хийлээ

2020 оны 2 сарын 14 185

МХЕГ-ын даргын 2020 оны 01 дүгээр сарын 17-ны өдөр баталсан 01/13 дугаартай удирдамжийн дагуу “Цагаан сар”-ын баярыг угтан Дархан-Уул аймгийн худалдаа үйлчилгээний бөөний төв, хүнсний захуудад урьдчилан сэргийлэх хяналт шалгалт хийх явцад Хятад улсаас импортлосон хятад хэл дээр бичигдсэн хаяг шошго зөрчилтэй даршилсан ногоог /дун, дупу, хар мөөг, бор мөөг, лууван, шанцай зэрэг/ Улаанбаатар хотын “Барс” хүнсний захаас орон нутаг руу “Барс хүнс” хүнсний нэгдсэн лабораторийн 2019 оны 12 дугаар сарын 20-ны өдрийн сорилтын дүнг дагалдуулан түгээгдсэн байна.

Хүнсний бүтээгдэхүүний аюулгүй байдлыг хангах тухай хуулийн 12.6-д “Импортын хүнсний түүхий эд, бүтээгдэхүүний шошгод агуулагдах мэдээлэл монгол, эсхүл англи, орос хэлний аль нэгээр бичигдсэн байна” гэсэн заалт зөрчигдөж байгаа тул холбогдох Мэргэжлийн хяналтын байгууллага шалгаж мэдээлэл өгнө үү.

Сүүлд нэмэгдсэн мэдээ